Мектеп тарихы
Мектеп деген білім кені, жыр кені,
Мектеп деген ғылымның ең үлкені
Мектеп деген тәрбиеші адамға
Мектеп деген даналардың мекені
Мектеп – әр адамның өміріндегі маңызды кезең, бұл жерде біз білім алып, өмірлік дағдыларды меңгереміз. Мектеп – бұл тек оқу орны ғана емес, сонымен қатар біздің әлеуметтік, рухани және жеке тұлға ретінде дамуымызға ықпал ететін орта.
Мектеп оқушыларға өздерінің жеке қабілеттерін дамытуға мүмкіндік береді. Спорт, музыка, көркемөнер және басқа да қызығушылық клубтары оқушылардың шығармашылық және физикалық дамуына ықпал етеді. Осындай қызметтер арқылы балалар өздерінің таланттарын ашып, өзіне сенімділікті қалыптастырады.
Мектеп – бұл сонымен қатар әлеуметтік және моралдық құндылықтарды үйрететін орта. Оқушылар арасындағы өзара қарым-қатынас, мұғалімдермен қарым-қатынас және мектептің жалпы атмосферасы балаларға жауапкершілік, құрмет және өзгелерге деген сезімталдық сияқты маңызды өмірлік дағдыларды үйретеді.
1935-1936 жылдары Сайрам ауданы атқару комитетінің шешімі негізінде Сайрам ауылында ескі мешіт ғимаратында 4 жылдық бастауыш мектебі ашылды. Мектеп басшысы болып Икромхон Умарходжаев тағайындалды. Сол жылдары Шамсиева Замира Насибуллина, Абдумавлон Муминов, Баходир Миркурбанов, Урмон Эргешов, Дадамат Сидиков, Али Акбаевтар Сталин атындағы мектепте жұмыс атқарды. Бұл оқу орнында 8-12 жас аралығындағы 180 оқушы 150 сом ақша төлеп латын әліппесін оқыды.
1946 жылы мектеп 7 жылдық Эрнст Тельман атындағы мектебі болды. С.Е. Егинбаев директор болып тағайындалды.
1948 жылы Голивер
1949-1950 ж.ж Ахмедов
1950-1955ж.ж Ю. Халметовтар басшы жұмысын атқарды.
1953-1961 ж.ж – Э. Кувашев
1961-1969 ж.ж – М. Исламханов
1969-1979 ж.ж- О. Джамалов
1984-1998 ж.ж- Э. Махкамов, М. Мирсавуров, О. Тоганбаев
1998-2007 ж.ж- Т. Урмановтар мектеп директорының жұмысын атқарды.
1953 жылы мектептің жаңа ғимаратының құрылысы басталып, 1954 жылы шағын орта мектебі, 1966 жылы 10 жылдық орта мектепке айналды.Сайрам ауданында біріншілер қатарында кабинет жүйесіне өтті.
Осы уақытта директор орынбасары Бердникова Ирина Ивановна, мұғалімдер Благодарная Надежда Борисовна, Потатурова Лидия Николаевна және Маслов Борис Иванович тағы басқа мұғалімдердің үлесі өте көп болды.
1976 жылы «Коммунизм» колхозы, «Сайрам» механикалық заводы көмегімен мектептің жаңа ғимараты бой көтеріп, Қаратөбе ауыл әкімшілігі Базарқақпа ауылында орналасты.
1970-1980 жылдары аралығында мектеп ұжымы жаңа кадрлармен толтырылды.
1998 жылы мектепке Есеке Юсуповтың аты беріліп Е.Юсупов атындағы №15 орта мектеп болып аталды.
1999 жылы 1 сәуірден бастап оқушылар саны көбеюіне байланысты 1-4 дейінгі бастауыш сыныптар Сайрам механикалық заводына қарасты «Колокольчик» балабақшасына көшірілді.
2000 жылы мектепте қазақ тілінде оқытылатын сыныптар ашылды.
2001-2002 оқу жылында қазақ сыныптары толығымен 11 жылдық болды. Қазақ сыныптарының алғашқы түлектері осы мектепті бітіріп, жаңа өмірге қадам басты.
2001 мектеп компьютерлермен жабдықталды. Мұғалімдер саны 121, оқушылар саны 1161 ге жетті.
2002-2003 оқу жылында қазақ сыныптары өз алдына бөлек мектеп болып бөлініп, «Колокольчик» балабақшасы №98 мектеп болып орналасты.
2007 жылы 8 мамырда мектеп ауласында «Үмітін үзбеген ана» ескерткішінің салтанатты ашылуы болып өтті.
2007-2008 оқу жылында мектеп ҰБТ қорытындысы бойынша облытың ең үздік 50 мектеп қатарына енді.
2007-2023 жылдары аралығында Джамалова Хулкар Абдукаюмовна директорлық лауазымын атқарды.
2011 жылы бастауыш сыныптар үшін жаңа ғимарат қосымша құрылды.
2014-2015 оқу жылынан бастап мектептің номері №15 тен №104 болып ауыстырылды.
2015 жылы мектеп Республикалық үздік 100 мектеп қатарынан орын алды. Оқушы саны 1855 ке жетті.
2017 жылы 14 желтоқсан күні қосымша ғимараттың (үлкен спортзал, асхана, кітапхана, оқу залы, логопункт, дефектолог, қыздар және ұлдар шеберханасы, медкабинет ) салтанатты ашылуы болып өтті.
2020 жылы мектеп ауласында жабық спорт алаңшасы ашылды.
2022 жылы мектепке STEM кабинеті берілді.
2024 жылы 16 мамыр Қалалық білім басқармасының № 100 бұйрығы негізінде директордың инновация ісі бойынша орынбасары Рауаилов Бауыржан Мусаевич мектеп директоры болып тағайындалды.
2024-2025 оқу жылына 4 пән бойынша (қазақ тілі, география, ағылшын тілі, АӘТД) жабдықталған кабинеттері берілді.
Бүгінгі күнде мектебімізде 1495 оқушы білім алып, оқу және тәрбие саласында үлкен нәтижелерге қол жеткізуде.